I Foro de Fomento de Consumo de Peixe, Alimentación Saudable e Sostible na Dieta Atlántica

13 e 14 de setembro de 2021
Santiago de Compostela – Ribeira

REXISTRO
EMISIÓN 1ª XORNADA
EMISIÓN 2ª XORNADA

Inscrición a Webinar

O foro é  unha actividade para a que está solicitada a ACREDITACIÓN para profesións sanitarias da Comisión de Formación Continuada do Sistema Nacional de Saúde.

Para a obtención desta acreditación, os participantes que estean interesados e teñan dereito a ela, deberán inscribirse no Webinar correspondente na sección “REXISTRO” e cumprir cos requisitos establecidos.

Prazas Presenciais

Na xornada inaugural do 13 de setembro dispoñemos de prazas presenciais limitadas que se asignarán por orde de inscrición a aquelas persoas interesadas en acudir ao foro.

Na sección “Rexistro” encontrará toda a información pertinente ao respecto.

Evento Seguro

As dúas xornadas do foro están deseñadas e programadas atendendo aos protocolos médicos máis estrictos en canto a restriccións con motivo da Covid-19.

Recomendamos a os asistentes acudir con 30 minutos de antelación para axilizar o acomodo na sala.

Realizarase un rexistro de asistencia para poder levar un control sanitario.

Para o acceso, é imprescindible portar máscara.

Presentación

O consumo de produtos do mar, peixes, mariscos e algas, son parte fundamental dunha dieta sá e equilibrada. Estímase que o seu consumo non  debe ser inferior a 3 ou 4 racións na semana por tratarse dun alimento que, ademais do seu alto valor como fonte de Omega-3, nos achega proteínas de alto valor biolóxico, vitamina D e do grupo B, ferro, potasio, iodo, potasio e calcio entre outros nutrientes.

Este alimento é un dos piares fundamentais da dieta atlántica que promove a Fundación Dieta Atlántica a través da Universidade de Santiago de Compostela desde que se constituiu en Galicia no ano 2007.

Co apoio da Xunta de Galicia, bota a andar o I Foro de Fomento de Consumo de Peixe, Alimentación Saudable e Sostible (DIETLÁNTICA), que pretende poñer en valor unha dieta que se basea nun consumo responsable, de proximidade, sostible e san.

Ao longo de dous días, daranse cita diferentes profesionais de recoñecido prestixio dos ámbitos sanitario, nutricional, educativo e gastronómico para abordar os beneficios dunha alimentación baseada na implementación dunha dieta beneficiosa desde os puntos de vista nutricional, medioambiental e social.

13 setembro. Santiago de Compostela

Sesión Inaugural

A sesión inaugural terá lugar o vindeiro luns 13 de setembro na aula Magna do Edificio Docente Roberto Novoa Santos en Santiago de Compostela, ao lado do Hospital Universitario de Santiago (CHUS).

Serán o presidente da Xunta, Alberto Núñez Feijóo, e mailo reitor da Universidade de Santiago de Compostela, Antonio López, quen inauguren esta primeira parte que, baixo o epígrafe “Peixe e saúde”, estará centrada especialmente no aspecto sanitario e nutricional do consumo de peixe e produtos do mar.

Esta sesión, que poderá ser seguida on line en directo a través da nosa emisión en YouTube AQUÍ, contará con ata 90 prazas para acceder en persoa ao evento pero sempre previa inscripción no formulario que pode atopar no menú desta páxina ou premendo no seguinte botón:

Inscrición Presencial

Edificio Roberto Novoa Santos

  • Trva. de la Choupana, s/n – 15706 – Santiago de Compostela

Programa

Luns, 13 de setembro  // Santiago de Compostela - Aula Magna do Efidificio Docente Roberto Novoa Santos

10:00 – INAUGURACIÓN

Antonio López, reitor da Universidade de Santiago de Compostela
Alberto Núñez Feijóo, presidente da Xunta de Galicia


10:30 – PEIXE E SAÚDE

 Modera e presenta: Felipe Casanueva, endocrinólogo da Unidade de Obesidade do grupo HM hospitales. Vicepresidente da Fundación Dieta Atlántica da USC.


10:35 – O peixe na saúde do neno e o adolescente. A adherencia á Dieta Atlántica.

Rosaura Leis, pediatra e profesora titular de Pediatría. GI Nutrición Pediátrica do IDIS. Coordinadora da Unidade de Nutrición Pediátrica do CHUS. Presidenta do comité científico da Fundación Dieta Atlántica da USC.


11:00 – O peixe e a saúde cardiovascular

Guillermo Aldama, cardiólogo intervencionista do CHUAC


11:25 – O peixe e a saúde nas persoas adultas maiores

Fernando Rodríguez-Artalejo, Médico epidemiólogo. Catedrático e director do departamento de Medicina Preventiva e Saúde Pública na Universidad Autónoma de Madrid


12:00 – Preguntas e debate
 
 
Retransmisión 1ª Xornada

 Martes, 14 de setembro  // Ribeira.  - Salón de actos da lonxa

 16:00 – INAUGURACIÓN

Manuel Ruiz, alcalde de Ribeira
Rosa Quintana, conselleira do Mar

16:20  PEIXE, GASTRONOMÍA E SOSTIBILIDADE     

Modera e presenta Rosaura Leis, pediatra e profesora titular de Pediatría. GI Nutrición Pediátrica do IDIS. Coordinadora da Unidade de Nutrición Pediátrica do CHUS. Presidenta do comité científico da Fundación Dieta Atlántica da USC.

 

 
16:25  – O papel do peixe na Gastronomía Atlántica

Lucía Freitas, Chefs en A Tafona. Estrela Michelín.


16:55 –  Peixe, ácidos graxos omega-3 e prevención de enfermidades crónicas

Ángel Gil, catedrático de bioquímica da Universidade de Granada. Presidente da Fundación Iberoamericana de Nutrición (FINUT).


17:25  –  O peixe, a Dieta Atlántica e a sostibilidade

Gumersindo Feijóo, Catedrático Enxeñería Química da USC. Fundación Dieta Atlántica da USC.


17:55  –  Preguntas e debate

 


18:25  –  VISITA Á LONXA


18:55  –  Degustación

 

 
Retransmisión 2ª Xornada

Relatores

Rosaura Leis
Felipe Casanueva
Gumersindo Feijóo
Ángel Gil
Lucía Freitas
Guillermo Aldama
Fernando Rodríguez-Artalejo

Comité Organizador

Rosaura Leis 

Gumersindo Feijoo 

Comité Científico

Rosaura Leis 

Gumersindo Feijoo 

Felipe Casanueva 

Fundación declarada de interese sanitario

Fundación Dieta Atlántica

Dende o 2007 traballamos coobxectivo de fomentar o estudo, a investigación e a difusión da dieta atlántica para a saúde e o benestar da poboación

Web da Fundación

Patrocinadores

Rosaura Leis

A Estrada (Pontevedra), 1962. Pediatra e profesora titular de Pediatría na Facultade de Medicina da Universidade de Santiago de Compostela. GI Nutrición Pediátrica do IDIS. Coordinadora da Unidade de Nutrición Pediátrica do Hospital Universitario de Santiago de Compostela.

Membro, entre outros, do Observatorio de Obesidade da Axencia Española de Seguridade Alimentaria e Nutrición (AESAN) do Ministerio de Sanidade, do Plan Galego de Prevención da Obesidade Infantil (Xermola) e do IDIS Santiago. CiberObn.

Actualmente é presidenta do comité científico da Fundación Dieta Atlántica da USC.

 

Felipe Casanueva

Madrid, 1948. Vicepresidente da Fundación Dieta Atlántica da USC. Editor-in-Chief da revista REMD (Reviews in Endocrine and Metabolic Disorders). Coordinador Internacional da OPEN (Obesity Policy Engagement Network).

Profesor da materia de Enfermidades do Sistema Endocrino, Metabolismo e Nutrición Clínica na Facultade de Medicina da Universidade de Santiago de Compostela, onde é Catedrático Emérito de Medicina.

Foi Xefe do servizo de Endocrinoloxía e Nutrición do Hospital Universitario de Santiago de Compostela. Director científico do CIBERobn de Obesidade e Nutrición e presidente da Sociedade Española de Obesidade (SEEDO).

Gumersindo Feijóo

Cambados (Pontevedra), 1967. Catedrático de Enxeñería Química na Universidade de Santiago de Compostela. Desenvolve diversas liñas de investigación relacionadas coa sustentabilidade ambiental e a economía circular no Centro Singular CRETUS.

Publicou máis de 300 artigos científicos en revistas internacionais, cun impacto que o sitúa entre o 2% dos científicos máis citados do mundo segundo o ranking elaborado pola Universidade de Stanford. Recibiu diversos premios de investigación e divulgación científica.

Ángel Gil

Granada, 1951. Catedrático de Bioquímica e Bioloxía Molecular, Instituto de Nutrición e Tecnoloxía dos Alimentos, Centro de Investigación Biomédica da Universidade de Granada. Presidente da Fundación Iberoamericana de Nutrición ( FINUT) e membro do IBS Granada. CiberObn.

Director do Tratado de Nutrición, obra de referencia para o estudo das ciencias nutricionais en todos os países de fala española. Dirixiu 60 teses doutorais e recibiu, entre outros, o premio Estratexia NAVES 2012 da Axencia Española de Seguridade Alimentaria e Nutrición (AESAN e o Premio da  European  Society  of  Clinical  Nutrition  and  Metabolism ( ESPEN), “Sir David  Cuthbertson  Lecture  Award”, 2021.

Lucía Freitas

Lucía Freitas Santiago de Compostela, 1982. Chef do grupo Nove, propietaria do restaurante A Tafona e da Barra Gastronómica Lume. Estrela Michelín. 2 Soles Repsol. Presidenta de Honor de WIG (Women in Gastronomy, Japón).

Cree firmemente que a alta cociña vai dirixida hacia un camiño de regresión, de volta a orixe da mán da tecnoloxía e da innovación. Cultiva a súa propia horta e investiga constantemente no mundo verde e nos cromatismos vexetais. Traballa da mán de mariscadoras, peixeiras e productores locais para a elaboración dos seus menús e de novas recetas que enriquezcan a cultura gastronómica de Galicia.

 

Guillermo Aldama

Logroño (A Rioxa), 1972. Cardiólogo intervencionista no Hospital Universitario da Coruña. Licenciado en Medicina e Cirurxía pola Universidade de Navarra. Instrutor en simulación avanzada pola Universidade de Harvard.

Prefesor titor dos alumnos residentes de Cardioloxía do Hospital Universitario da Coruña e membro das Sociedades Española e Europea de Cardioloxía.

Fernando Rodríguez-Artalejo

Madrid, 1960. Catedrático de Medicina Preventiva e Saúde Pública da Universidade Autónoma de Madrid e coordinador do grupo de  epidemioloxía cardiovascular e nutricional do  CIBERESP e do  IMDEA- Food.

Preside o Observatorio da Nutrición e o Estudo da Obesidade no Ministerio de Consumo. Coordinou a elaboración de estratexias de prevención de enfermidades crónicas en diversas áreas do Ministerio de Sanidade e publicou numerosas investigacións sobre os determinantes das enfermidades crónicas na poboación adulta

REXISTRO